Wani yaro dan shekara biyar ya kadu bayan da ya ga wata makekiyar kasa a salgarsa lokacin da ya je zai yi bahaya, a gidansu da ke Southend a Essex ta Landan.
Mahaifiyar yaron, Laura Cowell, ta ce hankalin dan nata ya tashi sosai lokacin da ya je zai yi bahaya ya bude murfin salgar a gidansu da ke Southend da ke Essex a Landan, da ya ga wannan macijiya.
An dai kirawo wasu kwararru ne daga kantin sayar da dabbobin da mutane kan ajiye a gida don sha'awa, na Scales and Fangs, inda suka fito da macijiyar.
An ce kasar wadda ta kai tsawon kafa uku 'ya ce kuma ba mai cutarwa ba ce.
Wadanda suka kama ta, sun ce tana warin ruwan bilici da ruwan kashi kadan, kuma sun ce suna ganin ta shiga wurin ne daga wani bandakin gidan makwabtan su yaron, da suka tashi daga gidansu
Saboda matattarar dagwalon bandakunan gidajen daya ce, kuma makwabtan da suka tashi daga daya gidan sun bar shara, wadda ana ganin daga nan ta shiga salgarsu ta bullo ta nan.
Yanzu ana yi wa macijiyar magani, kuma idan ta warke sosai za a danka ta ga wani mutumin da zai kula da ita sosai, ta yadda ba za ta sake shiga wata salgar ba.
Source: BBC Hausa
Title :
Yaro Yaci Karo Da Maciji A Bandaki
Description : Wani yaro dan shekara biyar ya kadu bayan da ya ga wata makekiyar kasa a salgarsa lokacin da ya je zai yi bahaya, a gidansu da ke Southend a...
Rating :
5
