Tsawa ta raunata mutane akalla 15, biyu daga cikinsu abin ya yi tsanani, a wani wurin bikin kade-kade da wake-wake a arewa maso gabashin Faransa, kamar yadda hukumomi suka ce.
Tsawar ta fadi a wurare da yawa a wurin bikin na Vieux Canal a garin Azerailles, kamar yadda hukumomin suka ce.
Daga cikin wadanda suka samu kunar har da wasu yara da suke cikin wani tanti a lokacin.
Wata mata mai shekara kusan 60 da kuma wani mutum mai kimanin shekara 40 sun jikkata sosai a lamarin.
Galibi a irin wannan lokaci na shekara akan gargadi jama'a a kan hadarin yawan faduwar tsawa mai tsanani a sassan kasar Faransar.
Bayan lamarin an dage dukkanin bukukuwan na ranar Asabar, wanda daga cikin mawakan da za su sheke aya akwai Pony Pony Run Run na Faransa da kuma Black Bones.
Source: BBC Hausa
Title :
Tsawa Ya Fadowa Mutane 15 A Faransa
Description : Tsawa ta raunata mutane akalla 15, biyu daga cikinsu abin ya yi tsanani, a wani wurin bikin kade-kade da wake-wake a arewa maso gabashin Far...
Rating :
5
