Mourinho Yakama Gola A Wasan Grenfell

Kocin Manchester United Jose Mourinho shi ne mai tsaron gida lokacin da aka buga wani wasan kwallon kafan musamman don tara kudin tallafawa wadanda gobarar benen Grenfell ta shafa a birnin Landan ranar Asabaun mutanen da suka murza leda domin tara gudunmuwa daga kudin tikitin da 'yan kallo suka saya na shiga kallon wasan

Gobarar benen Grenfell, mai hawa 24, ta faru ne cikin watan Yunin bana, inda ta kashe akalla mutum 80. An shirya wasan ne mai taken Game4Grenfell tsakanin shahararrun mutane da kuma tsofaffin 'yan wasan kungiyar QPR a ranar Asabar

Bangaren tsofaffin 'yan kwallon QPR ne suka samu nasara a karshen wasan, inda suka doke su Mourinho da ci 5-3 a bugun fenariti. Da farko an tashi wasan ne 2-2.

REUTERS

Mourinho bai iya hana ko da kwallo guda shiga ragarsa ba yayin da ake bugun fenariti, amma kocin Manchester United din ya yi nasarar cin kwallo daya a bugun fenaritin.

GETTY IMAGES

Sir Mo Farah ,wanda ya lashe lambobin zanarin Olympics da dama, ya yi nasarar zura kwallo guda a raga

GETTY IMAGES

Mourinho ya shiga wasan bayan dawowa hutun rabin lokaci yayin da ya canja tsohon golan Ingila David James, inda da shigarsa 'yan kallo suka fashe da shewa da ihu

GETTY IMAGES

Mourinho dan wasan tsakiya ne lokacin da yake matashi sabanin mahaifinsa wanda tsohon kwararren golan kasar Portugal ne

Source: BBC Hausa