Diezani Tana Raye Bata Mutu Ba

A daren jiya ne aka soma yada jita-jita a kafafen sadarwar zamani cewa tsohuwar ministar mai a Nijeriya, Diezani Alison-Madueke ta mutu a asibitin da take jinya a birnin Landan, saidai bincike ya nuna cewa Madueke na kan samun sauki.

Shi ma lauyanta, oscar Onwudiwe, ya bayyana cewa ya yi magana da maigidanta kuma ya fada masa cewa Madueke na raye.

Wata majiya mai tushe ta sake tabbatar da cewa Madueke wadda ita ce mace ta farko da ta soma zama shugabann kasashe masu arzikin man fetur, ba ta mutu ba, amma har yanzu tana fama da ciwon kansa.