Guinea: Alpha Conde ya lashe zabe

Hukumar zaben kasar Guinea ta ce shugaban kasar mai-
ci, Alpha Conde ya samu nasarar sake dare wa karagar
mulkin kasar karo na biyu.
Hukumar ta ce shugaba Alpha Conden ya samu kaso 58
na kuri'un da aka kada, yayin zaben shugabancin kasar
ranar Lahadin da ta gabata.
Wannan sakamako dai yana nufin cewa ba a bukatar
zuwa zagaye na biyu na zaben.
Sai dai kuma dan takarar babbar jam'iyyar adawa a kasar,
Cellou Diallo ya yi watsi da sakamakon sannan kuma ya
yi kiran magoya bayansa da su fito zanga-zangar lumana.
Tun dai lokacin da aka fara kidayar kuri'a ranar Larabar
da ta gabata ne Cellou Diallo ya sanar da fice wa daga
jerin 'yan takara bisa zargin tafka magudi a lokacin
zaben.
Sai dai kuma masu sanya ido daga tarayyar turai sun
bayyana zaben da sahihi.