Masar ta zama kasa ta biyu da ta samu tikitin zuwa gasar cin kofin duniya daga Afirka, bayan da ta ci Congo 2-1 a wasan da suka fafata a ranar Lahadi.
Mohamed Salah ne ya fara ci wa Masar kwallo bayan da aka dawo daga hutu, saura minti uku a tashi daga karawar Arnold Bouka Moutou ya farke.
Daf da alkalin wasa zai tashi karawar Masar ta samu bugun fenariti kuma Mohamed Salah ya buga ya kuma ci kwallon.
Da wannan sakamakon Masar ta hada maki 12 a wasa biyar a rukuni na biyar, sai Uganda ta biyu da maki takwas sai Ghana mai maki shida da Congo ta karshe da maki daya kacal.
Sauran kasashe uku suka rage da za su cika biyar, domin wakiltar Afirka a gasar cin kofin duniya da Rasha za ta karbi bakunci a 2018.
Nigeria ce ta farko daga Afirka da ta fara samun tikitin zuwa gasar cin kofin duniya, bayan da ta jagoranci rukuni na biyu.
Source: BBC Hausa
Title :
Egypt Ne Nabiyu Daga Afirka
Description : Masar ta zama kasa ta biyu da ta samu tikitin zuwa gasar cin kofin duniya daga Afirka, bayan da ta ci Congo 2-1 a wasan da suka fafata a ran...
Rating :
5
