Ancire Sunan 'Yan Wasa 15 Daga 30 Dazasu Iya Lashe Kyautar Ballan d'Or

An fitar da 'yan wasa 15 daga 30 da za a bayyana wadanda za suyi takarar kyautar gwarzon dan kwallon kafa na duniya wato Ballon d'Or ta shekarar nan.

Cikin 'yan wasan da suka fitar sun hada da Neymar da Philippe Coutinho da Kevin de Bruyne da Harry Kane da Sergio Ramos da Robert Lewandowski.

A yammacin litinin ake sa ran bayyana sauran 'yan wasa 15 da za su zama 30 da za su fafata wajen cin kyautar shekarar nan.

Ana kuma sa ran dan wasan Real Madrid, Cristiano Ronaldo da na Barcelona Lionel Messi za a saka sunansu a cikin masu fatan lashe kyautar 2017.

Ronaldo ne ya lashe kyautar bara kuma karo na hudu, bayan da ya yi nasara a kan Lionel Messi.

Mujallar Faransa ce ke gudanar da bikin karrama gwarzon dan kwallon duniya da kyautar Ballon d'Or, bayan da ta raba gari da hukumar kwallon kafa ta duniya, Fifa.

Ga 'yan wasa 15 da ka bayyana sunayensu:

Philippe Coutinho (Liverpool da Brazil)Kevin de Bruyne (Manchester City da Belgium)David de Gea (Manchester United da Spain)Paulo Dybala (Juventus da Argentina)Edin Dzeko (Roma da Bosnia-Herzegovina)Harry Kane (Tottenham da England)N'Golo Kante (Chelsea da France)Robert Lewandowski (Bayern Munich da Poland)Marcelo (Real Madrid da Brazil)Dries Mertens (Napoli da Belgium)Luka Modric (Real Madrid da Croatia)Neymar (Paris St-Germain da Brazil)Jan Oblak (Atletico Madrid da Slovenia)Sergio Ramos (Real Madrid da Spain)Luis Suarez (Barcelona da Uruguay)

Source: BBC Hausa