Sojoji sun kubutar da masu hako danyen mai da aka sace a tafkin Chadi

 Sojoji sun kubutar da masu hako danyen mai da aka sace a tafkin Chadi

DAGA HAUSA TIMES: Rahotanni daga jihar Borno suna bayyana cewa gamayyar Sojoji da yan sa-kai sun samu nasarar kubutar da ma'aikatan hako danyen man nan na kamfanin NNPC da aka sace a yankin tafkin Chadi,

Bayanai sunce an samu nasarar kwato mutanen ne bayan bata-kashi da akayi tsakanin mayakan Boko Haram din da gamayyar dakarun soji

Hausa times ta ruwaito kimanin mutane Bakwai aka ceto ciki har da wani ma'aikaci a jami'ar Maiduguri.

A dazu ne dai Hausa times ta ruwaito maku an yi garkuwa da masu aikin hako danyen mai a yankin tafkin Chadi. Sai dai har kawo yanzu ba'a bayyana hakikanin adadin mutanen da aka sace ba balle a san ko dakwai ragowa a hannun mayakan ko babu

Majiya ta shaidawa Hausa times cewa an kashe dumbin mayakan Boko Haram din kafin aka samu nasarar kubutar dasu