Buhari Ya Sake Rokon Tsagerun Niger Delta Kan Zaman Sulhu

Shugaba Muhammad Buhari ya roki mayakan tsagerun Niger Delta da ke kai hare hare kan bututun mai kan su zo a zauna kan teburin shawarwari don ganin an samu zaman lafiya mai dorewa a yankin.

Buhari ya yi wannan kiran ne a lokacin da. Ministan Abuja, Muhammad Bello ya jagoranci Kiristocin da ke birnin wurin kai masa ziyara na bikin Kirismeti inda ya ce zaman sulhu zai ba bangarorin damar cimma yarjejeniya kan yadda za a raba arzikin man fetur din.