Yawancin 'Yan Boko Haram Ba 'Yan Nijeriya Ba Ne, Inji Janar Buratai

Shugaban hafsan sojojin Nijeriya, Janar Tukur Yusuf Buratai ya bayyana cewa kashi 60 cikin dari na 'yan Boko Haram ba 'yan
Nijeriya bane.

Janar Buratai ya bayyana hakan a jiya
Laraba, yayin da yake tarban wakilin sakataren majalisar dinkin duniya na
musamman Dr. Mohammed Ibn Chambas a
hedkwatar Operation Lafiya Dole a Maimalari Cantonment dake jihar Borno.

Ya kuma bayyana cewa 'yan ta’addan suna kan shan kashi a hannun sojoji, kuma rundunar sojoji za su ci gaba da yin artabu
har sai 'yan ta’addan sun mika wuya daga karshe.

A nasa jawabin Ibn Chambas ya yi amfani da taron gurin yin ta’azziya ga gwamnatin tarayya, sojojin Nijeriya, da kuma iyalan marigayi Kanal Muhammad Abu-Ali wanda 'yan ta’addan suka kashe tare da sojoji shida a ranar 4 ga watan Nuwamba.