Mijin Haya Part 3

Hibbatu ta cire silifas d'inta tare da sa hannu ta d'auka ta rungumesu,tana mai raba idanu,wata 'yar dattijuwa ta gani ta fito daga wata kofa zata shiga wata kofar ,d'aga murya tayi tana mai kwatsa sallama ,chak matar ta tsaya ta juyo tare da amsa sallamar, cikin sakin fuska tace 'baiwar Allah sannu da zuwa,daga ina?' ,hibbatu a ranta bata raba d'ayan biyu wannan itace matar alhaji ,mahaifiyar meera ,haka dai ta 'karasa gareta tare da russunawa,a ladabce tace'hajiya daman bilal maigadin gidannan,kuma mijina ,ya bani umarnin inzo tayin aiki gidannan, domin yau 'yar alhaji zata dawo daga turai ',hajiya ta murmusa tace 'ALLAH sarki bilal ,ya ko kyauta,daman yar aikin tawa ta tafi gida,taso mu'karasa kitchen d'in ki kama min in gama,gashi ameerar ta iso ban gama girki ba,ya sunanki? ',hibbatu ta mi'ke tare da bin bayan hajiya,tana sanar da ita sunanta,hajiya ko sai fad'in kirkin bilal take ,tana mai cewa hibbatu tayi sa'ar miji,haka dai suka kamalla girke girke da abin sha,wanda yawun hibbatu duk ya gama tsinkewa ,jurewa kawai takeyi,bayan sun jera akan dinning,hibbatu tayi wanke wanke tare da gyara kitchen d'in,hajiya ta shigo da fara'arta tana mata sannu da aiki,sannan ta umarceta da ta kwashi coolers din abincin chan ta tafi dasu ita da mijinta suci had'i da bata dubu biyu ,hibbatu tasa hannu biyu ta kar6i dubu biyun , ta washe jajayen ha'koranta tana zuba godiya ta d'ebi coolers ta fice tare da yiwa hajiya sallama,ta 'karasa gun bilal dake zaune kan benci ya zuba tagumi yana zaman jiran fitowarta,zama tayi tana mai washe baki ,ta kunce ha6ar zaninta ta 'kulle dubu biyunta ,sannan ta bud'e kular(cooler) kaji tasa hannu ta d'au cinya ta kai baki tana lumshe idanu ,bakinta cike da tsokar nama tace 'amma Allah ya tsunduma hajiya a aljanna ' ,ta 'kara kai chafka da ha'kwaranta ta yago tsoka ta taune ,dad'in na ratsa kunnenta ,idanu a lumshe ta dubi bilal tace 'kasa hannu muci mana ka tsaya kallona'....... Ko kune mezakuce wa hibbatu

Abdulaziz Ismail