Photos: Mark Zuckerberg Ya Ziyarci Najeriya

Shugaban sashin sada zumunta na 'Facebook', Mark Zuckerberg ya kawo ziyara ta farko a Afirka wanda ya sauka a jihar Lagos.

A yayin wannan ziyarar ne ake sa ran shugaban zai kaddamar da wata gidauniya da zai zuba zunzurutun kudi domin tallafa wa matasa a kan manhajar sanin komfuta, kuma zai tattauna da al'ummomi masu amfani da facebook.

Nijeriya ce kasar da ta fi kowacce kasa a nahiyar Afirka yawan jama'a masu amfani da facebook. A kwanakin baya ma sashin ya sanya harshen Hausa a matsayin jerin harsunan da ake amfani da su a facebook.