Wa'adin rijistar BVN a Nigeria ya cika

A Nigeria, ranar Juma'a ne wa'adin da babban bankin
kasar ya bayar na kammala rijistar masu asusun ajiya a
bankunan kasar domin samun lambar BVN ke cika.
Kimanin mutane miliyan 21 ne ya zuwa yanzu suka yi
rijista a bankuna daban-daban na kasar.
Babban bankin Najeriyar dai ya ce an dauki matakin yin
rijistar masu asusun ajiya a bankunan ne a wani mataki
na inganta harkokin bankunan kasar.
Malam Ibrahim Mu'azu, daraktan yadda labarai a babban
bakin kasar, ya ce rijistar za ta saukake wa mutane hada-
hada da banki saboda za su samu damar yin harkokinsu
a duk inda suke ba sai sun je banki ba.
Ya ce rashin rijistar zai sa dole sai mutane sun rika zuwa
banki da kansu, domin ba lallai ba ne a bar su, su rika
cire kudi daga naurar ATM.
Sai dai Mallam Mu'azu ya ce mutanen da basu samu yin
rijistar ba zasu iya zuwa bankin da suke amfani da shi
domin yin rijistar.