Assalamu alaikum warahmatullah.
Dafatan Malam yana cikin koshin lafiya, Allah sa haka Ameen.
Malam Hakika ina cikin wani hali Wanda ina neman mafita in Allah ya sanar dakai ataimaka mun.
Malam ni dalibine a Usmanu Danfodiyo University Sokoto ina Masters. hakika wasu abubuwa na damuna kamar haka:
1- ciwan kai bagaira ba dalili
2- ciwan hakori ko hanci ko kunne hakakawai badalili
3- Ganda da kasala wanda har yakan hanani Ibadan
4-Rashin fahimtar karatu sosai da kuma raashin nutsuwa duk yayin da na zauna yin karatun
5-Rashin kulawa da ibada sosai ba kamar yadda nake daba banda sallar farilla bana iya ko nafila
6-wani lokaci nakan kallo duru duru haka.
7-Yin fishi ko Bacon haka kawai batare da wani yabata mun raiba
8- yawan ciwan sassan jiki e.t.c
hakika Malam wannan al'amari yana tayarmun hankali inda hakan yasa nakoma gida don neman magani. amma wani mai magani yace wai sihiri aka mun don a hanani karatu tun ina yaro wai abinne yanashiga jikina ahankali. Ni kuma banaso amfani da wani magani inba na sunnah ba.
yanzu haka Saura sati guda mufara jarrabawa. Malam ataimakamun da mafita. musamman rashin kula da ibadannan da na farayi da kuma rashin fahimtar karatun nan yana damuna ga kuma rashin nutsuwa nayin karatun da zarar na zauna yi.
Bissalam
Daga dalibinka na wannan zaure mai Albarka
A. A. Kumo
AMSA
*******
Wa alaikumus salam wa rahmatullahi Ta'ala wa barakatuh.
Hakika dukkan wadannan matsalolin da ka lissafo suna da alaka da shafar Aljanu. Sai dai ba kowanne shafar Aljanu ne yakan zama sihiri ba.
Amatsayinka na matashi mai ilimi bai kamata kaje wajen wasu wadanda zasu karkatar dakai daga kan tafarki ba. Domin kuwa wannan da yace maka wai sihiri akayi maka don ahanaka karatu, Shin mecece Hujjarsa??
Watakil ya gaya maka hakan ne kawai don kwadayin abun hannunka. kuma wannan abinda ya fada zai iya sanya ka rika zargin wasu mutane ba gaira ba dalili.
Shi kuwa yin mummunan zato ga musulmai yana daga cikin Manyan Kaba'irori wadanda Allah yake tsawatarwa akai.
Ita dai jinya ibadah ce ga mumini. Don haka kaji tsoron Allah kar ka bar shaitanun mutane su hana maka samun wannan ladan da Allah ya tanadar maka.
Hanya mafi sauki agareka ita ce ka ziyarci cibiyar lafiyar Musulunci mafi kusa dakai domin samun agaji, kuma ka yawaita zama cikin tsarki, da yawaita zikirin Allah safe da yamma, da ko yaushe.
Ka kula da shafa'i da wuturi da kwanciya da alwala da karatun Azkar na kwanciyar barci.
Ka duba cikin mail box dinka na tura maka lambar wayar da zaka buga idan kana son magana dani kai tsaye domin samun shawarwari.
WALLAHU A'ALAM.
