An Zargi Kwamtin Amintattu na Basalona da Yinkurin Sayar da Lionel Messi

Dan takarar shugabanci Basalona Augusti Benedito yayi zargin cewa
kwamitin gudanarwa na kulab din na kokarin sayar da fitaccen dan
wasan ta Lionel Messi.
A halin yanzu shugaban Catalans mai ci yanzu Joseep Maria
Bartomeu, ya nuna ra’ayin sa da fatan cewar danwasan gaba na
Argentine zai kasance a sansanin Nou zuwa shekru da dama masu
zuwa.
Sai dai Benedito cewa yayi sakonnin dake fitowa daga kwamitin
gudanarwar Basa ya nuna cewar baza a iya yarda da shi ba.
A wata hira da ya yi ta musamman da mujallar Goal Benedito ya ce
“bayanan da suke fitawar a baina jama’a ba dai dai yake da ainihin
ra’ayinsu ba.”
Ya kara da cewa a wasu lokuta suna Magana da ta saba yadda suke
aiwatar da ayyukansu, ina fata a wannan lamari na Messi ba za a
samu haka ba.